Bah ntop kơl nuĭh ƀon lan gĭt tât nău rhŏ nsum trực tuyến, ntrôl dăng rgâl mhe, mĭn ƀư mhe, rgâl mrô, tât hăn lor tâm trôk nar, âk ntrong ƀư mhe lĕ ntơm ƀư, mât uĕh nuih n’hâm lĕ đah nău kan, mĭn ƀư mhe bah đoàn viên, druh ndăm, tă bah nĕ mĭn lah nău ƀư tơm bah druh ndăm tâm lvang hun hao mhe.

Wa Y Giang Gry Niê Knơng, Groi Bí thư N’gor ủy, Kruanh Ủy ban MTTQ Việt Nam n’gor Dak Lak an lah, tâm rnôk mhe, rmôt kan Đoàn an rgâl mhe têh dăng trong ƀư, tâm di đah trong hun hao bah rnôk mhe. Đah nău dơi gĭt ngăch  blău n’hanh công nghệ mhe, druh ndăm lah rmôt tơm dơi ơm ndơ̆ ăp nău mĭn ƀư mhe, kơt dŏng mrô an dŏng ngăn ngên, rgop ntrôl hun hao wăng sa-rêh jêng n’hanh mĭn lah ƀư tơm bah rơh kơn nuĭh tơm nău rêh rgŏ năp bah neh dak.