Ta rơh tâm nchră, Thủ tướng Phạm Minh Chính lah na nê̆ rơh tât khâl Việt Nam dăch aơ bâh Tổng Bí thư, Kruanh dak Trung Quốc Tập Cận Bình lah nău kan dŭt khlăy, mpŏng trong kan jŏ jong an nău tâm boh 2 Đảng, bả dak. Thủ tướng đă 2 ding an geh mât nău tâm rgâl kan gâl têh ƀa ƀơ, ntrôl têh dăng nău tâm kơl wăng sa, tăch rgâl, ntuh kơl tĭng trong tâm ban, nkre lah pơk hvi nău tâm kơl ta trong kan khoa học công nghệ rgâl mhe kan, nta nău nsrôih mhe an nău tâm boh 2 ding. Thủ tướng Lý Cường tâm ban ŭch đah ăp nău dăn đă n’hanh lah na nê̆ Trung Quốc mbra tâm rgop na nê̆ đah Việt Nam gay ma ƀư na nê̆ nău gĭt vât nsum đah nuĭh leo kan 2 dak, n’hao nău tâm mbơh kan, ndâk nsơm nău knơm mpeh chính trị n’hanh ntrôl tâm kơl kan na nê̆, ngăn lah tâm ăp trong kan kơt tăch rgâl, ntuh kơl mhe ueh n’hanh tâm rgop ndơ dŏng ntung trong.