Ôi lơ 28/4, ta ntŭk kan Kruanh, Kruanh phạm Minh Chính ƀư tơm nar vơt ndrel tâm nchră ma Thủ tướng Nhật Bản Ishiba Shigeru khâl ngăn Việt Nam. Bar Thủ tướng rnê prêh nau tâm boh Việt Nam-Nhật Bản, ngăn lah jêh rnôk n’hao gưl jêng dak kan nsum ăp ntil. Thủ tướng Phạm Minh Chính lah rjăp, Nhật Bản lah dak kan leo bôk năp ndrel rnơm ngăn bah Việt Nam, nkre ŭch ntrŭt dăng nau tâm boh tâm ăp nau kan, ngăn lah mpeh văng sa, ntrơn rgâl mrô, ŭnh nar, ntŭk ntu ƀư kan ndrel ntĭm nti nŭih kan.

Thủ tướng Ishiba rnê prêh nau dơi, nau dăng bah Việt Nam tâm nkuăl ndrel lam ntur neh; lah rjăp Nhật Bản mra lŏ hăn ndrel ma Việt Nam tâm rơh mhe, kơl an Việt Nam hun hao văng sa, rêh jêng, ndâk njêng văng sa đăp mpăn, ƀư dơi nau ueh mhe, hun hao khoa học công nghệ. Bar ding tâm ban nau mât tâm n’ur ƀa ƀơ, n’hao nau tâm boh đăp mpăn dak lêng, ƀư ueh nau ntuh kơl ndrel kơl an nau kan mhe./.