Ăp đại biểu tâm ban ŭch năl pah kan rdâk njêng Đảng, leo ƀư n’hanh cán bộ tâm rơh mhe geh nkô̆ hôr n’glêh an đah nău dơi rđău kan, nău dơi mât bôk n’gâng kan n’hanh nău tam kan bah lam trong kan chính trị.

N’glôch jêh rơh pah kan, Tổng Bí thư, Kruanh dak lah rjăp 7 nău dơn kan rgum tơm ân ƀư, đah nău ŭch rdâk njêng Đảng mô dơn kloh uĕh, nâp dăng ma hôm tŏng han săk, bôk rngok gĭt blău, nsing nơm n’hanh nău dơi mât bôk kan neh dak tâm rơh hun hao mhe. Lơn lah, ân rgâl dăng trong rđău kan bah Đảng, nkra bah ăp nău rbăn lhơ tâm nău tĭng ƀư ta âk gưl, n’gâng kan n’hanh ntŭk tâm dâng. Ăp nău dơn kan ân dơi uănh năl ma nău dơi ngăn ngăn; jao nău kan đah jao nău dơi kan, tơm ndơ n’hanh nău geh tĭng ƀư, nkre n’hao dăng mât kân nău dơi kan, uănh năl nău dơn kan nkre đah nkhôm rnê n’hanh lah rmal.