Đah ntrong kan “tâm rnglăp- ƀư tơm- kan jăp-rgâl mhe- hun hao”, Đại hội rgum nglôch ƀư tĭng nău kan ƀư tĭng Nghị quyết Đại hội 13 Công đoàn Việt Nam lvang năm 2023-2026; uănh năl nău kan Ban chấp hành Tổng Liên đoàn lao động Việt Nam khoá 13, uănh năl nkô̆ mpŏng kan, nău kan n’hanh ăp nău mhe an năm kan mhe. Ntoh ngơi ntĭm leo , Tổng Bí thư, Kruanh dak lah na nê̆ nuĭh ƀon lan way lah nuĭh kan hăn lor bâh cách mạng Việt Nam, njêng luh ntil ndơ n’hanh rdâk njêng nău kan wăng sa neh dak. Nkre lah đă leo ƀư Công đoàn rgâl mhe ngăch lơn, na nê̆ lơn n’hanh rgum ƀư tĭng 6 nău kan tơm khlăy, rdâk njêng mpôl kan ƀon lan nuĭh kan mhe, têh dăng, n’hao nău gĭt blău pah kan, nău dơi rnoh mbrô n’hanh nău dơi tâm di đah nuĭh kan tâm rơh hun hao mhe.