Ntoh ngơi ta rơh tâm mâp măt, Tổng Bí thư, Kruanh dak Tô Lâm lah na nê̆, lôch geh njêng, nău kan bâh rnâng kan ntĭm leo lah an geh mbơh ôp nău, tâm mâp sŏng dăng đah nuĭh leo kan, ntĭm đă mbơh tơih ăp nău ntrŭnh bâh Đảng, ngih dak gay ma mât ueh lăng đăp mpăn chính trị, ntrôl an hun hao, mât đăp mpăn rnă njrăng ngih dak, rnă njrăng ta Tây Nguyên. Lah ueh n’hanh rnê nsơm ăp đồng chí tă kan cán bộ, công chức, viên chức nuĭh kan ta ntŭk kan way kan rnâng kan ntĭm leo Tây Nguyên bâh ăp rơh, lĕ mô klach nău jêr, ƀư tĭng ta ntŭk kan ba dâng, ƀư lôch ueh nău kan ma Đảng, Ngih dak pă an, Tổng Bí thư, Kruanh dak Tô Lâm ŭch ăp đồng chí an geh n’hao tay nău dơi kan ueh bâh nuĭh cán bộ rnâng kan ntĭm leo Tây Nguyên an geh dăch ƀon lan, gĭt ƀon lan, ryơk ƀon lan. Đah nău knơm n’hanh nău blău kan bâh nơm, an geh tâm rgop an gưl uỷ, n’gâng kan ta ntŭk, an geh lah ntung njŏ đah Đảng, Ngih dak đah ƀon lan ăp mpôl rnoi Tây Nguyên.