Kêng măng 13/3, ndeh mpar rdeng Tổng Bí thư Tô Lâm ndrel i ur ndrel rmôt kan ntoh măt gưl prêh bah dak nơm sĭt tât Hà Nội, lôch rơh khâl gưl prêh Ngih dak tât Indonesia ndrel Singapore. Tâm 5 nar, Tổng Bí thư hŏ geh rlau 40 nau kan đah ăp nau tam nchră, tâm mâp ma ăp rmôt, mbơh nkoch nau kan, mâp nŭih Việt Nam tâm bar dak ndrel khân du đê̆ ntŭk ƀư kan văng sa, nau ơm. Di rnôk aơ, ăp n’gâng kan, n’gor, nkuăl ƀư nau kan bah Việt Nam ndrel bar dak kí ton âk nau tâm boh tâm âk ntrong, tâm nê geh ntĭm nti, njrăng rdâng phung tih dôih rloh rlau nah dak, tui ka, văng sa mrô, ntrơn rgâl ndrih, tơm prăk.

Bah năp nê, dĭng nar lơ 13/3, Tổng Bí thư Tô Lâm hŏ tât râng ndrel geh nau ntoh ndơ tâm rnôk tâm nchră tăch rgâl Việt Nam-Singapore đah nkô̆ “Việt Nam-ntŭk tât bah rach năm khoa học công nghệ ndrel tâm boh tơm prăk”, đah nau râng bah bơi tât 100 ntŭk kan 2 dak. Tổng Bí thư mbơh, rơh tât Việt Nam kơl rgum ăp nau kan FDI tâm nau kan kơt khoa học công nghệ, rgâl blau mhe mĭn njêng ndrel hun hao, văng sa ndrih, văng sa mrô, ntrơn rgâl ndrih./.