Tổng Bí thư Tô Lâm, Thủ tướng Phạm Minh Chính, Kruanh Quốc hội Trần Thanh Mẫn ndrel đah ăp đồng chí Ủy viên Bộ chính trị, Bí thư Trung ương Đảng tât râng, Tổng Bí thư Tô Lâm an gĭt, nti bôknău kan mpeh khoa học công nghệ, rgâl mhe mĭn kan n’hanh rgâl mhe rnoh mbrô ngih dak geh tâm nău nchrăp kan, bôk nău pah kan bâh n’gâng kan Chính trị, Ban Bí thư, aơ lah nău pah kan na nê̆, lah na nê̆ nău nsrôih âk ngăn bâh nuĭh leo kan Đảng, ngih dak ƀư tĭng nău dơi Nghị quyết 57 bâh n’gâng kan chính trị. Gay ma nău leo kan, ntĭm đă n’hanh leo kan geh nău dơi Nghị quyết aơ rĭ bâh ăp đồng chí Ủy viên Bộ chính trị, Ủy viên Ban Bí thư hăn lor bôk năp tâm nău gĭt vât nău mhe đah trong kan mhe, jêr n’hanh rgâl mbro aơ. Tổng Bí thư Đảng ủy Chính phủ n’hanh Văn phòng Trung ương Đảng, ntŭk kan way kan bâh rnâng kan ntĭm leo Trung ương mpeh hun hao khoa học, công nghệ, rgâl mhe nău mĭn kan n’hanh rgâl mhe rnoh mbrô geh gĭt tŏng ăp nău tâm rgop bâh ăp đồng chí Ủy viên Bộ chính trị, Bí thư Trung ương gay ma ntop tay, ƀư lôch nău mbơh tơih gay ma kơl an rơh rƀŭn nchră trung ương 11 tât tay, tâm nĕ an geh dŭt khlăy nkah mbơh lah gĭt dơn ăp trong mhe ta lam ntur neh mpeh khoa học công nghệ rgâl mhe rnoh mbrô, rgâl mhe nău mĭn kan, nchŏng luh ăp nău mhe na nê̆ ăp trong kan gay ma mbơh tơih ƀư tĭng săk rnglăy Nghị quyết 57 bâh N’gâng kan chính trị tâm let năp tay.