Kêng măng 31/3, ta Nhih pah kan Trung ương Đảng, Tổng Bí thư Tô Lâm wơt Đại sứ Hoa Kỳ ta Việt Nam. Ta rơh wơt, Tổng Bí thư Tô Lâm lah rjăp Việt Nam uănh Hoa Kỳ lah dak băl tâm boh têh jong lam lĕ rngôch dâk bôk năp n’hanh  ŭch rŏng tâm boh lhăt đah Hoa Kỳ gay n’hao tâm boh bar dak nar lơn hun hao ngăn ngăn, lăp tâng jru, tĭng ƀư geh nău dơi ăp nkô̆ tâm nău mbơh nsum n’hanh Trong nchrăp dâk kan an ƀư Tâm boh têh jong lam lĕ rngôch yor ma nău geh nsum bah bar dak n’hanh an bah tâm lơh tâm su, tâm boh n’hanh hun hao jŏ jong ta nkual n’hanh lam ntŭr neh.

Đại sứ Hoa Kỳ lah rjăp du Việt Nam “dăng, đăp mpăn, têh ndrŏng uĕh, nsrôih ndôr êng” lah du nău rgop uĕh an bah tâm lơh  tâm su, đăp mpăn ta nkual n’hanh lam ntŭr neh n’hanh lah nău ma Hoa Kỳ way n’grŏ rŏ tĭng. Đại sứ Hoa Kỳ lah rjăp ăp doanh nghiệp n’hanh băl tâm boh Hoa Kỳ dŭt uănh khlay tâm boh wăng sa- ntuh kơl, tăch rgâl đah Việt Nam, tâm nê Việt Nam dơi uănh lah ngoăy tâm ăp băl tâm boh khlay tâm rêng tơm pă an ndơ tăch lam ntŭr neh n’hanh ntŭk tăch rgâl ta Việt Nam dôl pơk luh âk trong dơh soih an ăp ndơ geh ƀư n’hanh rhŏ dŏng bah Hoa Kỳ.