Kêng măng nđaơ 1/4, ta Ngih Trung ương Đảng, Tổng Bí thư Tô Lâm lĕ wơt Nuĭh kđăch dak Bỉ Philippe dôl khâl gưl ngih dak Việt Nam. Ta rơh wơt, Tổng Bí thư Tô Lâm nsing nơm rơh khâl bah Nuĭh Kđăch, đah nău hăn khâl bah âk kruanh gưl prêh, kruanh doanh nghiệp, ngih sam ƀuŭt đại học, ntŭk mĭn njêng mbra geh nuih n’hâm mhe, ndơ̆ tâm boh dsăch dêh, kan ndrel âk ntil đah Việt Nam n’hanh Bỉ hăn jru hvi, ngăn ngên, săk rnglăy, tŏng nău geh bah nuĭh ƀon lan 2 dak, rgop geh lĕ nău kan tâm rnglăp đăp mpăn n’hanh hun hao nâp nâl ta nkual n’hanh ta lam ntŭr neh.

Gay tâm di đah nău geh n’hanh tâm boh chính trị uĕh lăng, Tổng Bí thư lah rjăp 2 dak an ƀư jru tay kan ndrel tâm ăp ntil nău tăch rgâl-ntuh kơl, lŏ mir nâp nâl, ntĭm nti nuĭh kan uĕh blău âk, văn hóa, pâl nđaih, tâm nđŭr nuĭh ƀon lan, nkre ntrôl dăng tay kan ndrel ngăn ngên tâm ntil nău khoa học-công nghệ, rgâl mhe mĭn ƀư, ngăn lah nkoch ntrong ƀư hun hao doanh nghiệp bah ntŭk ntô đại học bâh Bỉ, rgop kơl Việt Nam dơi geh âk nău rƀŏng hun hao tât năm 2030 n’hanh 2045