Thủ tướng Chính phủ Phạm Minh Chính leo mpôl ntơh măt gưl têh Việt Nam râng tâm nchră gưl têh Tâm boh Tiểu vùng Mekong pơk hvi tâl 8, ntơm bah nar 5-8/11/2024 ta Trung Quốc. Thủ tướng Chính phủ mbra râng tâm nchră gưl têh tâm boh wăng sa Ayeyawady-Chao Phraya-Mekong tâl 10, Tâm nchră gưl têh tâm boh Campuchia-Lào-Myanmar-Việt Nam tâl 11 n’hanh pah kan ta Trung Quốc.

Trong hăn pah kan rơh dja bah Thủ tướng Chính phủ Phạm Minh Chính tât Trung Quốc dơi mpŏng  mpơl tay nău hôr khlay tât tiểu vùng, nkual n’hanh lam ntŭr neh. Trong hăn pah kan gay mât jâng nsan hun hao uĕh lăng bah tâm boh Việt Nam-Trung Quốc, ƀư jêng ngăn ngăn nău gĭt êng nsum gưl têh bar ding hŏ dơi geh tâm trong hăn khâl ngăn Trung Quốc bah Tổng Bí thư Tô Lâm (khay 8/2024); mât nău way mâp kan gưl têh, n’hao dăng nău nsing nơm chính trị, ntrŭt ntrôl tâm boh ngăn ngăn đah bar dak, ntrŭt ntrôl tâm boh Việt Nam-Trung Quốc, lĕ ma gưl trung ương n’hanh n’gor, hun hao đăp mpăn, kloh rsang, jŏ jong.