Trong ƀư kan ndrel geh tât râng bah Chi đội Mât uănh n’har bri Phổ Nhĩ, Ntŭk uănh nđôi N’har bri tăch n’gluh luh lăp Mường Khanh (Trung Quốc); Ban ntĭm rđău Tahen n’har bri n’gor Điện Biên (Việt Nam) n’hanh Công an n’gor Phông Sa Lỳ (Lào).

Tĭng nkô̆ nău tâm ton, ăp ding tâm ban ŭch kan ndrel ta nkô̆ nău tâm ban mpeh ƀư tơm, ryơk  nău nchroh nsum, tâm rgop ngăn ngen, săk rnglăy n’hanh ntop kơl ndrel. Ăp nău ƀư khlay geh ƀư rƀŭn nchră tĭng rơh 2 năm du tơ̆ tĭng trong ƀư tâm pleh; n’hao mât uănh ƀĭt joet ăp ding ta ăp nkual khlay; mbơh ƀư ăp trong mkra đăp mpăn rnă njrăng tâm ăp rơh lễ, Tết n’hanh nău ƀư chính trị khlay bah ăp dak. Ntoh măt ăp ding mĭn lah, nău ndâk njêng trong kan nsum rơh aơ an saơ trong hun hao mhe tâm boh kan ndrel đah rmôt kan dơi kan 3 dak Việt Nam-Trung Quốc-Lào, rgop ndâk njêng nkual n’har bri đăp mpăn, dăch dêh, kan ndrel n’hanh hun hao nâp nâl.