Ta nkuăl ƀon têh dak lêng Quy Nhơn, ntŭk lĕ geh ntơm pơk bâh Năm pâl nđaih Ngih dak- Gia Lai 2026, ăp ntŭk kan gŭ rlu lĕ leo kan uănh nđôi lĕ rngôch ntŭk njrăng rdâng ŭnh sa. Ta Anya Premier Hotel Quy Nhơn, ntŭk rlu năch têh ngăn lĕ geh uănh nđôi na nê̆ njrăng rdâng ŭnh sa nteh êng, ntŭk rƀet lât, ntŭk nchoăt du tâm ban ăp ntil ndơ njrăng ŭnh sa ta ntŭk, tâm rgop đah Cảnh sát njrăng rdâng ŭnh sa rdâk ƀư ăp ndơ dŏng mât njrăng rnôk geh nău tât ndal.Thượng tá Đậu Văn Huy- groi kruanh ntŭk kan Cảnh sát njrăng rdâng ŭnh sa công an n’gor Gia Lai lah na nê̆, nău mât ueh jăp nău kan njrăng rdâng ŭnh sa mô dơn lah nău kan bâh êng mpôl kan têh, ma hôm nha lah nău dơn kan nsum bâh ăp ntŭk kan, ăp nuĭh kan gay ma ntop rdâk njêng rup ueh Gia Lai lah ntŭk tât đăp mpăn, dăch bên. Tâm pơh ntơm pơk Năm pâl nđaih ngih dak 2026 ta Gia Lai, n’gor nchrăp geh vơt klâp ma 70 rbăn năch, an geh mât nău đăp mpăn têh ngăn. Nău leo kan ơm, bâh ngai n’hanh tâm ban mbra kơl an năch đăp mpăn lơn rnôk tât ta Gia Lai.