Ta rơh pah kan ta n’gor Đăk Lăk, wa Nguyễn Thanh Nghị, kruanh rnâng kan kơl kan, trong kan tơm Trung ương lĕ pah kan đah n’gor mpeh nău mbơh tơih trong kan hun hao wăng sa- rêh jêng. Ta rơh pah kan, n’gor Đăk Lăk dăn đă Trung ương ơm ntrŭnh nău kan tơm khlăy gay ma ndâk nsơm rnoh kan, njêng nău kan ƀư tĭng ăp nkô̆ mpŏng hun hao 2 rnoh mbrô. Nău wăng sa- rêh jêng pe khay bôk năm đăp mpăn n’hanh geh âk nău dơi ueh ngăn. Nău kan bâh n’gâng kan wăng sa geh pơk hvi, hun hao râng geh nsum bâh lam n’gor tĭng rnoh khlăy aƀaơ geh rlău 48.400 rmen prăk, hao 11,7% đah khay aơ năm 2025.

Ntoh ngơi ta rơh pah kan, wa Nguyễn Thanh Nghị rnê âk nău nsrôih bâh Đăk Lăk tâm rnôk nău rêh hôm nha geh âk nău jêr, yơn n’gor an geh răng dăng lơn tâm nău leo kan, ngăn lah pă prăk ntuh kơl nsum, doh rklaih ăp nău kan hôm rmeh n’hanh n’huch rnoh rnăk ach o.