Tĭng ăp nău mbơh tơih, nău tâm rgop ta rơh rƀŭn nchră, nău tâm rkeh tahen ta Trung Đông hôm nha geh âk ngăn, jêr njrăng, geh gŏ tât sŏng dăng tât rnoh pă an n’hanh rnoh khlăy pring xăng lam ntur neh, tâm nĕ geh Việt Nam. Nău kan tâm let năp tay, Thủ tướng Chính phủ đă mô an geh nău mô tŏng rnoh pă pring xăng, mô an geh nău kŏ jêr tâm nău pah kan, tăch rgâl, mô an geh nău roh đăp mpăn, ueh lăng ta ntŭk rêh jêng. Thủ tướng nkah chính phủ nkah đă ăp nău pah kan tăch rgâl pah kan ƀư pring xăng an geh ueh tâm du, mô an nkân drăp ndơ, n’hao rnoh rnoh tăch, n’hao nău ntêm nkrem ƀư jêr ta ntŭk tăch rgâl, geh tât ăp nău lăp kan njrăng rdâng tăch ntung ndơ let n’har bri, njrăng răng dăng gay ma dơi phoăy lah ăp nuĭh ƀư tih.

Mpeh let năp jŏ jong tay, Thủ tướng Chính phủ đă n’gâng kan Công thương an geh tâm rgop đah ăp n’gâng kan ntŭk kan mĭn uănh ăp ntrong kan gay ma ơm n’hao nău dơi leo ƀư tơm ŭnh nar. Mĭn uănh njêng tay ăp ntŭk pah kan tăch rgâl pring xăng, n’hao nău dơi ntêm nkrem ŭnh nar ngih dak, an tâm di đah nău ŭch rnă njrăng ŭnh nar jŏ jong.