Ôi lơ 26/3, Thủ tướng Phạm Minh Chính n’hanh mpôl đại biểu gưl têh Việt Nam lĕ sĭt tât Hà Nội, lôch ueh rơh tât khâl ngăn ngên Liên bang Nga đah nău pah kan dŭt âk bơi tât 30 nău kan tâm 3 nar. Bâh ăp rơh tâm nchră, tâm mâp đah nuĭh leo kan gưl têh Nga, 2 ding lĕ dơi geh nău tâm ban âk mpeh nău ƀư tay an na nê̆ lơn nău tâm knơm mpeh chính trị, n’hao nău tâm gĭt vât ndrel bâh nău tâm boh tâm rnglăp ueh way ơm. Nău khlăy bah rơh tât khâl aơ lah nău Thủ tướng Phạm Minh Chính n’hanh Thủ tướng Mikhail Mishutin ndrel geh saơ nău kí tâm ton tâm kơl ƀư ngih máy điện hạt nhân ta Việt Nam. Aơ dơi uănh lah nău khlăy ngăn bâh ntơm, mpơl nău njêng tay nău pah kan điện hạt nhân ngih dak, pơk trong tâm kơl mhe ta trong kan ŭnh nar tơm khlăy. Rơh tât khâl geh âk nău dơi ngăn ngên, ntop uănh năl tay n’hanh n’hao nău tâm boh kan khlăy lĕ rngôch Việt Nam- Liên bang Nga ta rơh mhe.