VOV4.M'nông: Bôk nau kan rong ndrôk me deh kon gay kơl an nau rêh ân ƀon lan tâm xã Ia Pết, nkuăl Đăk Đoa, n’gor Gia Lai, geh ntrŭnh ƀư ntơm năm 2022. Bôk nau kan Tâm nkô̆ nau bah neh dak hun hao văng sa, rêh jêng tâm nkuăl rnoi mpôl đê̆ ndrel gôl yôk ndrel Bôk nau kan bah neh dak n’huch ach o nâp nâl, dôl ăp nhoat hun hao geh săk tam đah kônh wa rnoi mpôl đê̆ tâm nkuăl aơ.

VOV4.M'NÔNG- Tỉnh ủy Dak Lak mhe ƀư Tâm nchră Ban Chấp hành Đảng bộ n’gor Dak Lak tâl 31 đah âk nkô̆ khlay.

VOV4.M'NÔNG- Ôi 7/4, nkhêp geh hăn sĭt mpoh nhang Giỗ tổ Hùng Vương, Kruanh dak Lương Cường hŏ tât khâl n’hanh rgŏ jă cán bộ, tahen công an Phú Thọ ta Ntŭk rgum nău lư rđău đă Công an n’gor Phú Thọ ƀư ta Nkual têl ơm yău Đền Hùng.

VOV4.M'nông: Ƀư tĭng nau tâm rlong “Nsum ty jut ngih truh sat tâm lam dak năm 2025” tĭng nau rđau bah Chính phủ, tât lôch khay 3 n’gor Kon Tum ndâk mhe, nkra nâp geh 1.776 ngih tâm rnoh 2.752 ngih. Đah nau nsôih tât lôch khay 6 tât ăp rnăk ach o, êp ach o, rnăk jêr jŏt mô hôm rêh tâm ngih truh sat, ăp đảng viên tâm Kon Tum dôl leo trong kơl ƀon lan ndâk ngih nâp, đah rnoh âk lơn rnoh geh kơl.

VOV4.M'nông: Măng 7/10, ta ntŭk kan Chính phủ, Thủ tướng Phạm Minh Chính ƀư tơm nar rƀŭn Thủ tướng Chính phủ đah ăp n’gâng kan, ntŭk kan ntoh măt Việt Nam tâm dak ba dih, ăp mrôt kan, ntŭk kan gay tâm nchră nau nchrăp rdâng đah ntrong kan mhe mpeh tăch rgâl bah lam ntur neh.

VOV4.M'NÔNG- Tâm ăp năm rlău aơ, wăng sa- rêh jêng kon nuĭh ta nkual rnoi mpôl đê̆ ta n’gor Bà Rịa- Vũng Tàu nar lơn ma hun hao. Dơi geh nău nê lah nơm geh nău mât uănh khlay bah ăp gưl ủy Đảng, n’gâng kan ndrel nău nsrôih nsan hao jêr jŏt bah ƀon lan, tâm nê geh nău rgop suan bah ăp nuĭh geh nsing nơm. Khân păng mô dơn lah laih ti nthoi jong bah n’gâng kan ma hôm lah ntŭk nsing bah ƀon lan rnoi mpôl đê̆.

VOV4.M'nông: Giỗ Tổ Hùng Vương (lơ 10 khay 3 tâm dâng) mô êng lah rnôk gay nkah tu tơm, yau ye ma hôm geh nau khlay tâm nau ntĭm nti đah ăp kơn mom, ndâk nau ntô̆ n’hao rnoi mpôl, nuih n’hâm rŏng dak ndrel nau mât ăp nau khlay ơm. Ndrel nsum ma nau nê, nai ntĭm ndrel kon se nti bah Ngih săm ƀŭt THCS Nguyễn Văn Cừ (TP. Buôn Ma Thuột, n’gor Dak Lak) ƀư âk nau kan gay joi gĭt tât rơh Hùng Vương, ndâk tay nau ơm, râng pâl nau ơm…Bah nê, ăp kon se mô êng geh nau dơi gay gĭt nau ơm ma hôm ƀư nâp nuih n’hâm tâm rnglăp ndrel nau kan bah nơm ậh ƀon tơm, neh dak.

VOV4.M'nông: Đồng chí Khamtay Siphandone, Kruanh Rnâng kan rđau kan Trung ương Đảng ƀon lan Cách mạng Lào ntơm lơ ¾. Gay ntoh nuih n’hâm rngot klâng đồng chí Khamtay Siphandone ndrel ntoh tă bah nau tâm boh Việt Nam-Lào, Đảng, Ngih dak Việt Nam hŏ ntrŭnh nau ân ver khĭt đồng chí Khamtay Siphandone tĭng nau ƀư Ngih dak nkah tâm 2 nar ntơm lơ 4-5/4/2025. Nau tâm boh tâm dăch đah Việt Nam-Lào geh ăp kơn rđau kan bar Đảng, Ngih dak ndrel ƀon lan bar dak bun dăp. Rlet rlau 60 năm kơp ntơm rnôk ndâk tâm boh nchră nau tât rnôk aơ, nau tâm boh aơ jêng lăp ngăn tâm nau jru ndrel săk tam lơn.

VOV4.M'nông: Ôi lơ 4/4, ta ntŭk kan bah dak Lào gŭ kan tâm nkuăl ƀon têh Hồ Chí Minh, Groi Bí thư Rnâng kan Thành uỷ Nkuăl ƀon têh Hồ Chí Minh Nguyễn Thanh Nghị leo bôk rmôt kan ntoh măt tât chang đồng chí Khamtay Siphandone.

VOV4.M'NÔNG- Ôi 4/4, ta Đại sứ quán Lào ta Hà Nội, Thủ tướng Chính phủ Phạm Minh Chính leo mpôl Ntơh măt Chính phủ dak CHXHCN Việt Nam tât an kao si, weh njăt wa Khamtay Siphandone – Kruanh ơm Đảng Ƀon lan Cách mạng Lào, Kruanh dak ơm, Thủ tướng ơm dak CHDCND Lào.