Aơ lah đại hội bôk năp n’hanh lah đại hội geh săch ƀư lor bâh Lâm Đồng, geh tâm rgop trực tuyến đah 123 ntŭk xã, phường, đặc khu ta n’gor. Đảng bộ xã Đơn Dương geh njêng bâh nău kan dơn ngoăy đảng bộ ăp xã Đạ Ròn, Tu Tra n’hanh nkuăl têh Thạnh Mỹ, đah lĕ rnoh bơi tât 1.200 đảng viên.

Đại hội lĕ tâm nchră n’hanh ntrŭnh trong kan, nkô̆ nău kan, ntrong leo kan, nău kan tơm tâm năm kan let năp tay, nsrôih rdâk njêng xã Đơn Dương hun hao lĕ rngôch, nâp nâl. Nkô̆ mpŏng ŭchđŏ nău geh du hê bôk năp tât dŭt năm kan geh bơi tât 100 rkeh prăk/năm, rnăk ach o hôm ba dâng 0,2%. Ntoh ngơi ta đại hội, groi Thủ tướng Nguyễn Hòa Bình lah na nê̆, nău ntrŭnh nklơi gưl nkuăl, nglăp nsum gưl xã lah nsum lah nău ntrŭnh kan têh, geh nău kan tơm khlăy bâh Trung ương. Đơn Dương dôl dâk ta năp nău hun hao mhe, du rơh nkhêp mhe. groi Thủ tướng knơm, Đảng bộ, n’gâng kan n’hanh ƀon lan ăp mpôl rnoi xã Đơn Dương mbra ƀư geh nău dơi Nghị quyết Đại hội, rdâk njêng Đơn Dương jêng ntŭk ang nkual ƀon lan mhe tĭng trong mhe ta Lâm Đồng.