Măng 14/7, ta Đà Lạt, Groi Thủ tướng Rnâng kan Chính phủ Nguyễn Hoà Bình hŏ geh nar pah kan đah Rnâng kan rđau kan n’gor uỷ Lâm Đồng mpeh nau ƀư nau kan n’gâng kan 2 gưl ndrel nau nchrăp ân Đại hội Đảng bộ ăp gưl năm kan 2025-2030. Ta Đà Lạt, ntŭk ân ntŭk kan hành chính bah n’gor Lâm Đồng rnôk aơ geh rlau 1.300 công chức, viên chức tă bah Dak Nông ndrel Bình Thuận.  Rlau 8000 nŭih hôm e hôm geh pah kan tâm ntŭk ơm gay ndơn ăp nau kan hành chính, pơk trong nơih ân nau rklaih năn nau kan ân ƀon lan. Đah 124 xã, phường, ntŭk ƀư kan jêh rnôk dăp rgum, pah kan rklaih hành chính ăp nhoat geh ueh. Rnoh săm ƀŭt geh rklaih lor nar ndrel tâm di nar geh rlau 97% tâm rnih rlau 18.500 hồ sơ. Groi Thủ tướng kơp dơn ndrel rnê prêh ăp nau tă geh bôk năp ma n’gor Lâm Đồng tă dơi tâm nau rđau ƀư n’gâng kan 2 gưl, mât nâp nau hun hao văng sa, rêh jêng bah n’gor.

Êng nau nchrăp ân Đại hội, n’gor ndrel xã kŏ ƀư dŭt ueh, tâm dăch ma nau nchrăp nau kan ndŏ luh. Groi Thủ tướng Nguyễn Hoà Bình ân lah, nau hun hao văng sa bah Lâm Đồng rnôk aơ ê geh tâm ban ma nau dăng, knŭng geh 5%. Êp nê, nau dơi ƀư du đê̆ nau kan têh, ntŭk kan tơm hôm mbrơi, jêr tâm nau ntrơn ntŭk ƀư kan, pă tơm prăk ntuh kơl nsum ê dơi geh nau đă; nau kan mât drăp ndơ, nau ơm geh hôm mbrơi; du đê̆ nŭih ƀon lan rnoi mpôl đê̆ hôm âk nau jêr...ăp nau kan aơ bah n’gor ân n’hao nau rđau đă, kơl an nau rklaih ndrel geh doh tâm rơh tât./.