VOV.M'nông: Lơ 16/7, rmôt hăn kan ăp ntŭk kan bah N’gâng kan Công an ndrel N’gâng kan neh dak hŏ mêt uănh nau tă geh dơi ƀư nau ntrŭnh bah Chính phủ mpeh nau tâm rgop ƀư nau kan mât đăp mpăn neh dak, đăp mpăn rnă njrăng, đăp mpăn nau rêh jêng, lơh rdâng ma phung tih dôih ndrel nau kan neh dak tâm Dak Lak.

VOV.M'nông: Tâm Nghệ An ndrel Hà Tĩnh, wa Trần Cẩm Tú, Uỷ viên Bộ Chính trị, Rnâng kan Ban Bí thư leo bôk rmôt hăn kan bah Trung ương râng ăp nau kan nkah ndrel kơl an di nkah 79 năm nar tahen sôt rmanh 27/7.

VOV.M’nông - Geh ăp nău kan mô weh ma rnoh âk nău kan mô lah mông nar lôch jêh ƀư, ma hôm dơi weh ma nuih n’hâm nkah gĭt n’hanh nău dơn kan đah ăp nuĭh hŏ n’groh săk yor an neh dak. Tĭng ƀư trong kan 500 nar măng ndăn ngăch rgum, joi n’hanh năl săk tahen ơm khĭt, lor bôk năp âk cán bộ dak si, tahen dân quân n’hanh cán bộ ta n’gor Gia Lai dơn nău kan mha êng dja: sŏk ntil ADN bah nting tahen ơm khĭt. Ntơm bah rhih rhâl bôk năp, khân păng dôl ndrel rgop suan tâm njăr trong hăn joi tay săk ntơ an ăp tahen ơm dăng janh, ăp nuĭh hŏ chôt yor an đăp măn, dah rŏng bah rnoi nuĭh.

VOV.M'nông: N’gor Lâm Đồng dôl ntrŭt dăng ngăch nau ndâk Rgum nsum đô thị 5 Phường Đà Lạt tâm êp, gay ndâk rgum tâm ban ngăn ân đô thị Đà Lạt jêh lôch dăp rgum rmôt kan hành chính, nkre ma rklaih ăp nau kŏ kol ntoch jong đah nau rgum ndrel nau ngăn geh dŏng neh.

VOV.M'nông: Lơ 15/7, Uỷ ban MTTQ Việt Nam n’gor Dak Lak tâm rgop nsum ma Mặt trận tâm boh hun hao neh dak Campuchia n’gor Mondulkiri ƀư rơh rƀŭn lôch nau ƀư Nau nkah tâm boh nau kan lvang năm 2024-2026 ndrel nau nkah tâm boh kan nsum lvang năm 2026-2028 đah nkô̆ “Ndâk njêng trong n’har bri đăp mpăn, tâm boh, kan nsum ndrel hun hao”.

VOV.M'nông: Rƀŏng tât nkah 79 năm nar tahen ơm, tahen sôt rmanh, kêng măng 15/7, Thủ tướng Lê Minh Hưng ndrel rmôt kan hăn kan bah Trung ương tât leo nkao, mpoh kthup gay nkah ăp tahen jang dăng lĕ khĭt tâm ntŭk môch tâp Vị Xuyên, n’gor Tuyên Quang.

VOV.M'nông - Kêng măng (15/07) ta Sơn La, Tổng Bí thư, Kruanh dak Tô Lâm sĭt khâl n’hanh râng Nar rgum lam ƀon lan mât Rnă njrăng neh dak năm 2026 đah ƀon lan ăp rnoi nuĭh bản Loóng Luông, xã Vân Hồ.

VOV.M'nông - Ôi 15/7 ta Bắc Ninh, rƀŏng tât nkah ndray 79 năm Nar tahen ơm khĭt rmanh (27/07), Tổng Bí thư, Kruanh dak Tô Lâm sĭt khâl pă nklâm ndơ ăp tahen ơm sôt rmanh kop ji ta Ntŭk rgum pêt mât tahen ơm rmanh Thuận Thành.

VOV.M'nông: Ndrel ma nau nkra trong hăn ngăch Quy Nhơn-Pleiku, n’gor Gia Lai dôl rgum ƀư jêh 9 ntŭk gŭ âm njok trong gay ma jao neh ân ƀon lan tâm khay 7. Nau ntrŭt dăng ngăch mô êng knŭng kơl an ăp rnăk ơm đăp mpăn nau rêh ma hôm doh rklaih ntŭk, pơk trong nơih gay nau kan tơm bah neh dak ntrŭnh tâm ban, tâm di nau nchrăp.

VOV.M'nông - Ăp n’ha cờ Neh dak mpăr ta trong hăn mhe dơi mpoh ang đah điện măt nar, tach pah play n’gŭr răm ngơi gơm mô lah ăp nău ƀư an kon se ach o... lah ăp nău ueh ma druh ndăm n’glơi an tâm Nău kan Druh ndăm kơl kan yan mih ta nkual n’har bri Dak Lak. Bah ăp ndơ ƀư jêt yơn ngăn ngên nău ŭch, soan druh ndăm dôl rgop rgâl muh măt ăp ƀon lan ntŭk n’har bri.