Tổng Bí thư, Kruanh dak an gĭt, rơh ôp uănh, groi nđôi rơh dja lăp jru tâm pah kan cán bộ n’hanh nău tĭng ƀư ăp nghị quyết, trong nchrăp bah Trung ương, Bộ Chính trị ntơm bah bôk năm 2025 tât aƀaơ.

Nchih rgum lôch jêh pah kan hŏ an saơ kloh nău nsrôih bah nuĭh kan n’hanh rmôt cán bộ. Tổng Bí thư, Kruanh dak Tô Lâm lah rjăp, neh dak lăp tâm rơh hun hao mhe, ân wat jêh trong tĭng ngăch lơn, ăp kôp lơn, dăch ngăn ngăn lơn. Quốc hội ân nkre đăp mpăn tĭng jăp, mât kân lhăt nău dơi kan, nkre nta geh ntŭk soih aih rgâl blău ƀư njêng mhe, n’gluh suan dăng ƀư njêng n’hanh mbluh soih ăp tơm ndơ. Ntơm bah lôch jêh ôp uănh, groi nđôi, Tổng Bí thư, Kruanh dak dăn đă Ban Thường vụ Đảng ủy Quốc hội rgum rđău đă, nchŏng luh 6 nău dơn kan, trong nkra rgum tơm. Cán bộ nsŏng kơl rdâk njêng pháp luật, tor luh trong kơl ân tât âk lơn đah ngăn geh mât bôk kan tâm dâng, ƀư njêng, tăch rgâl n’hanh nău rêh ƀon lan.