VOV4.M’nông - Tĭng mĭn njêng bah du rmôt ăp nuĭh khoa học ta Đại học Nam Khai bah Trung Quốc, dơi ntưp bah rgâl kaman Omicron âk lơn nklăp 37,5% nkôp đah kaman Delta. Rmôt mĭn njêng bah giáo sư Hoàng Sâm Trung ta Đại học Nam Khai lĕ ndơ̆ n’glôn jêh tĭng tâm nău mbơh rnoh nuĭh Covid-19 mhe ăp nar bah Nam Phi bah 18/10 tât 28/11 đah rlong ƀư mpeh mông nar nkân srê rĭng geh n’hanh nar ntưp bah kaman Omicron n’hanh Delta lah êng êng. Yơn lah, pơng an saơ nău an uănh nđôi tay yor mông nar ntoh srê bah Omicron hôm e đêt. Rmôt bah giáo sư Hoàng Sâm Trung ndơ̆ an nchroh trong hun hao bah srê ta Nam Phi tâm khay tât. Tĭng nĕ, kơp bah nar 1/1/2022, rnoh nuĭh ntưp mhe ta dak aơ nchrăp mbra hao tât 51.000-72.000 nuĭh.

Nuĭh rblang: Y Sưng Phê Ja