VOV.M’nông: Kơp ntơm lơ 7/9/1945, Radio Việt Nam ho\ mro hăn ndrel đah tahen-[on lan tâm lam dak tâm nau tâm lơh, mât, ndâk njêng n’gâng kan cách mạng, nsi\t nau đăp mpăn, dah ro\ng ân neh dak, đăp mpăn ân [on lan. Kơt ti\ng nau vay ơm ueh ang nê, Radio Việt Nam dôl ndâk ntrong kan hun hao jêng ntu\k kan báo chí neh dak bôk năp, đah âk ntil, âk nau ngơi, lah ndơ nkoch mbơh nau tam nâp bah Đảng-Chính phủ.

Ntrong hun hao 75 năm rlau aơ kơp ntơm rnôk ntoh nau ngơi bôk năp rnôk 11 mông 30 mni\t lơ 7/9/1945, Radio Việt Nam ho\ geh nsum đah ntrong hoch ueh ơk bah ăp rơh tâm lơh ueh êng bah rnoi mpôl, ndrel đah nau rgâl mhe yor Đảng leo trong ndrel rđau đă. Ngăn lah, tâm ăp nau tâm lơh rklaih ân rnoi mpôl ndrel mât neh dak, Nau ngơi Việt Nam lah nau ngơi bah Đảng, Wa Hồ, nau ngơi bah [on lan, kơl [ư rjăp tay nau tâm rnglăp lam rnoi mpôl, tâm rgop n’hâm dăng bah rnoi mpôl ndrel n’hâm dăng bah nau rêh mhe, leo lam dak geh jêng ntơm nau aơ tât nau êng. Nkah tay nau ueh ang bah Radio, Nhà báo Phan Quang-Tổng Giám đốc ơm bah Radio Việt Nam lah rjăp:  

“Radio Việt Nam bah nơm rlet âk rơh êng êng, phung he mro tâm di đah nau kan ma ntoh nau ueh ngăn tâm nau ntoh ngơi leo lor bah Radio nơm “Aơ lah nau ngơi Radio Việt Nam, ntoh nau tă bah Hà Nội, thủ đô dak Việt Nam dân chủ cộng hoà ndrel a[aơ lah Cộng hoà xã hội chủ nghĩa Việt Nam. Nê lah nau ngơi ntoh nau mi\n, nau u\ch bah wa Hồ, bah Đảng, bah neh dak nơm ndrel lam ntrong kan chính trị bah phung he”.

Bôk năm aơ, Radio Việt Nam rhơn rnôk geh ndơn Thủ tướng Chính phủ nguyễn Xuân Phúc tât khâl. Nkah tay 75 năm bah Radio Việt Nam, Thủ tướng ân lah, Radio rhơn lah “kon deh” bah Cách mạng khay 8, geh Kruanh Hồ Chí Minh ndâk njêng. Tâm ăp rơh hun hao bah neh dak, Radio mro rklaih nau jêr jo\t, [ư ân jêh nau kan bah Đảng, Ngih dak jao, nchih hao ăp nau ueh ơm bah Radio. Lah rjăp tât nau kan bah Radio, Thủ tướng rnơm lah:

‘Ăp phóng viên, biên tập viên bah Radio mro lah nu\ih leo lor tâm nau kan mpeh nau mi\n văn hoá. Ăp nau nchih bah báo chí bah Radio tâm rơh rlau aơ ho\ rgop âk ngăn ân nhau ndâk njêng, hun hao bah neh dak Việt Nam sâm geh, rgop tâm nau kan njrăng rdâng nau khuch, nau sa khâm, nau mpu\ng lir, ndâk njêng nau rnơm bah [on lan đah Đảng, Ngih dak. Ndâk nau rnơm ueh, mro mrăng. Aơ lah ntrong hoch tơm, gâp rnơm lah gay Đảng, Ngih dak ndrel [on lan geh nau mbơh geh nau gi\t  ngăn tât Đảng ndrel Neh dak nơm. Rlet rlau ¾ nau ơm, Radio Việt Nam mro lah ntung njo\ nthoi ăp nau vay ueh mpeh nuih n’hâm, nau ơm bah Việt Nam hăn tât dak ba dih, ndrel băl bên lam ntur neh đah Việt Nam”.

Đah nau mbâl mpeh nau vay ơm ndrel ăp nau tă dơi geh, Radio Việt Nam rhơn geh Đảng ndrel Ngih dak pă âk nau nkhôm, têh khay: Huân chương Sao vàng, Huân chương Hồ Chí Minh, ndơn Huân chương Độc lập hạng Nhất (2 tơ\), Huân chương Kháng chiến rdâng Pháp Hạng Nhất, Huân chương Kháng chiến rdâng Mỹ hạng Nhất, Anh hùng Lao động rơh rgâl mhe, Anh hùng rmôt tahen [on lan ndrel âk nklâm ndơ prêh khlay êng êng.

Radio Việt Nam a[aơ geh rlau 2.700 cán bộ, phóng viên, kỹ thuật viện, nghệ sỹ, nu\ih pah kan; 4 nau [ư báo chí geh 8 nau ntoh nau ngơi, 16 kênh ntoh rup, 2 báo điện tử ndrel du báo in; Ngih săm [u\t Cao đẳng phát thanh-Truyền hình, du ngih mprơ, 6 ntu\k gu\ kan tâm dak ndrel 13 ntu\k kan tâm ăp nkuăl tơm khlay tâm lam ntur neh. Đại hội ntoh măt Đảng bộ Radio Việt Nam tal 26 (năm kan 2020-2025) mhe rlau ndơ\ luh nau kan tơm lah “Rgum n’hao prêh nau rđau kan, n’hâm tâm lơh bah Đảng bộ, ndâk Radio Việt Nam njêng ntu\k kan nkoch mbơh nau đah âk ntil, âk nau do\ng mhe, nâp nâl ăp ntil”.

Radio Việt Nam dôl nsôih jêng ntu\k kan nkoch mbơh nau âk ntiil, âk nau ngơi ueh mhe, nâp nâl ăp ntil, leo trong bah ntu\k kan ntoh nau ngơi tâm lam dak, hun hao jêng 3 n’gâng tơm: Ntoh ngơi, ntoh rup, Báo điện tử, đah nau geh kan ueh, mhe ăp ntil. Ntoh nau ta Đại hội, Uỷ viên Trung ương Đảng, Tổng Giám đốc ntu\k kan Radio Việt Nam Nguyễn Thế Kỷ lah rjăp:

‘Ntrong kan 5 năm tât phung he ân geh rgum ăp tu tơm, nuih n’hâm, nau dăng, nau blau mhe, rgâl mhe gay ma ndâk Radio Việt Nam jêng ntu\k kan nkoch mbơh nau âk ntil, âk nau mhe, âk nau ngơi, geh nau ueh, mro sôt ueh, nâp nâl ăp ntil. Nau kan tơm nê geh dnơ\ tâm săng nglik bah Đảng bộ, bah bơi tât 2.700 cán bộ, đảng viên, công chức, viên chức ndrel nu\ih pah kan bah Radio Việt Nam”.

Kơt ti\ng nau vay ueh ơm bah 75 năm rlau aơ bah Radio Việt Nam, rhơn nuih n’hâm yor ntu\k kan geh Wa Hồ ndâk, nthoi jâng ăp rơh hăn lor, nar aơ cán bộ, nu\ih pah kan bah Radio Việt Nam dôl nsôih ân geh săk ntơ Nau ngơi Việt Nam rêng lam tâm nau rêh jêng kon nu\ih, jêng ntu\k kan nkoch mbơh nau bah neh dak nâp nâl ăp ntil./.

 Nu\ih rblang: H’Thi