VOV4.M’nông: Nau njêng B.1.617 bah kaman SARS-Cov2 geh saơ bôk năp tâm Ấn Độ khay 10/2020, rnôk aơ hŏ ntưp rêng tât 44 dak lam ntur neh. Ntŭk kan dak si lam ntur neh (WHO) mbơh, kơp tât lơ 11/5, hŏ geh rlau 4.500 ntil mham geh năl ntưp B.1.617. Ăp nau mĭn rvê ân saơ ăp ntil kman aơ gah nau dơi ntưp rêng ngăch lơn tâm ƀon lan. Nua ntoh bah B.1.617 geh ân lah ngoai tâm âk nkô̆ ƀư jêng srê SARS-Cov2 tâm Ấn Độ. Ôi lơ 12/5, Ấn Độ kơp geh tay rlau 348 rbăn nŭih ntưp mhe, ndrel 4.205 nŭih khĭt yor srê Covid-19 tâm 2 nar rlau aơ. Dak aơ hôm lah nkuăl geh srê âk ngăn lam ntur neh đah rlau 23,4 rkeh nŭih ntưp./.

Nŭih rblang: H’Thi