VOV4.Mnông – Ôi 15/4, ta n’gor Ninh Thuận, N’gâng kan tuch tăm mât rong n’hanh Hun hao ƀon lan ƀư Rƀŭn nchră n’gul gâl nkra njêng tơm tăm yan mih năm 2020-2021; mbơh ƀư trong nchrăp tuch tăm năm 2021 ăp n’gor Duyên hải Nam Trung bộ n’hanh Tây Nguyên. Tĭng trong nchrăp yan mih năm aơ, ta lam nkual geh rlău 180 rbăn ha hao 20 rbăn ha nkôp đah yan mih năm 2020; n’hao geh rlău 61 tạ/ha, hao 0,49 tạ/ha; rnoh geh 1.116 rbăn tấn, hao 132 rbăn tấn nkôp đah yan mih năm 2020. Wa Lê Quốc Doanh-Groi kruanh n’gâng kan tuch tăm mât rong n’hanh hun hao ƀon lan lah rjăp: Ăp nkual, ăp ntŭk mô tŏng dak srih tăm ba, đă ăp ntŭk rgâl tơm tăm ăp ntil tuh mbo. Aơ lah ăp ntrong kan lĕ geh săk rnglăy uĕh tâm năm bah năp. Đah ntil ba đă kơl lor bah uĕh kah, ba ƀô kah; ăp ntil ba đêt nar gay tŏng dak tŏ n’hanh trong mkra ntêm nkrem dak.

Nuĭh rblang: Y Sưng Phê Ja