VOV4. M’nông: Ta rnôk tâm nchră an ƀư si ƀŭt n'glêh an bah Thủ tướng Chính phủ uănh an dŏng “Đề án n'hao nău dơi kan ăp nhih pah kan way mât kan thú y ăp gưl lvang năm 2021- 2030", way kuăl lah Đề án n'gâng kan thú y ƀư ôi ntri 15/4 ta Hà Nội, ăp đại biểu tâm ban ŭch âk năl lah, ân ơm dăp rgum tay ăp tŏng lam lĕ rngôch n'hanh n'hao nău dơi kan thú y ăp gưl gay n'hao nău dăng njrăng n'gang nuh srê geh nău tam ta ndơ mât. Ta rnôk tâm nchră, ăp đại biểu tâm ban ŭch âk đah nău n'hao dăng tay nău dơi kan thú y ăp gưl gay dăp rgum ăp tŏng uĕh ăp nău kan đah nău ŭch geh nar lơn ma âk n'hanh ăp nău ntul rlong, mpet jâk tâm rsong tăch rgâl đah dak bah dih nar lơn ma têh, lơn lah nău mpet jâk nking nchăng, mât kân uĕh ăp ntil nuh srê klach rvê, nău ji ntưp rêng bah ndơ mât rong tât nuĭh. Tĭng nê mbra n'hao dăng mât uănh, kân bah nuh srê ndơ mât, nău ji ntưp rêng đah ndơ mât n'hanh nuĭh./.

Nuĭh rblang: Điểu Thân