VOV4.M’nông: Nar ntri (12/7), New Zealand mbơh ngăn mpeh nău ƀư Tâm nchră gưl têh rgum nchră Tâm boh wăng sa Châu Á-Thái Bình Dương tĭng trong pơk sŏng dăng tâm nar 16/7 tât. Tâm nău mbơh ndơ̆ luh, Thủ tướng New Zealand Jacina Ardern an gĭt tâm nar 16/7 tât, dak dja mbra ƀư tâm nchră gưl têh pơk sŏng dăng bah Rgum nchră wăng sa Châu Á-Thái Bình Dương (way kuăl lah APEC) gay tâm nchră ăp nkô̆ nău geh tât nuh srê Covid-19 n'hanh ăp nău khuch tât wăng sa. Tâm nău mbơh bah he, Thủ tướng Jacinda Ardern an gĭt, ta rnôk tâm nchră, ăp kruanh rđău kan tâm nchră mpeh nău ntrŭt ntrôl bôk nău kan chuh n'gang ngăch, đăp mpăn n'hanh geh nău tam; njêng trong kan wăng sa têh n'hanh dŭt têh gay mât nău kan bah doanh nghiệp n'hanh nuĭh kan; rdâk njêng ăp jâng wăng sa nâp dăng, nkrum lam lĕ rngôch./.

Nuĭh rblang: Điểu Thân