VOV4.M’nông: Gay rdâng lơh đah Mpôl tâm ton tahen Bắc Đại Tây Dương (NATO), Bộ trưởng Quốc phòng Nga Sergei Shoigu nar 31/05 mbơh tât kêng dŭt năm aơ dak dja mbra njêng 20 đơn vị tahen mhe ta quân khu mpeh nhâp nar. Wa Shoigu mĭn lah, nău kan bah ăp dak phương Tây lơh chrai trong kan rnă njrăng lam ntŭr neh n'hanh Nga ân tĭng ƀư ăp trong rdâng lơh tâm di. Bah meng nê, mpôl kan tahen mpeh nhâp nar bah Nga mbra dơn geh nklăp 2.000 ndơ ntrŭp dŏng tahen, ntrôl dăng nău kan tiăr nti n'hanh hăn tâm lơh bah ăp đơn vị mât njrăng n'har bri. Nga mĭn lah, nău ntêt nkri tât bah NATO n'hanh Mỹ dôl n'hao âk rnôk mpôl dja n'hao âk ndeh păr hăn treng uănh. Na nê̆, tâm 7 năm aơ, rnoh âk tơ̆ ndeh păr ntŭp bom têh bah Mỹ ta châu Âu hŏ hao âk rlău 14 tơ̆./.

Nuĭh rblang: Điểu Thân