VOV4.M’nông – Nga phong nău mbơh duh hao hôm nău tâm lơh ta nkual Donbass nklăp lah “phah chrai” Ucraina. Tâm rnôk nĕ, ta rơh mâp Đại sứ NATO tâm nchră mpeh nu nău tâm lơh dăch aơ ta mpeh bah lơ Ucraina, ăp dak NATO nkoch klach rvê đah nău ntoh tahen bah Nga mpeh bah lơ Ucraina. Yơn lah nuĭh ntoh ngơi Điện Kremlin lah, ăp nău ƀư tahen aơ mô khuch n’hanh ƀư nkri an ăp nuĭh. Nga dôl ƀư tĭng ăp trong mkra gay đăp mpăn rnă njrăng n’har bri bah nơm. Tĭng Nga, geh nău ƀư hao ta nkual êp n’har bri bah Nga đah NATO n’hanh du đêt dak. Nău aơ đă Nga an n’hao njrăng. Bah năp nĕ geh âk nău mbơh ăp rmôt vũ trang Ucraina dôl nchrăp an rơh rdôl lơh tahen ta Donbass.

Nuĭh rblang: Y Sưng Phê Ja