VOV4.M'nông: Nar 01/11, lah ta rơh mâp đah kruanh rđău kan Bộ Quốc phòng n'hanh ăp doanh nghiệp mpeh rmôt rgum công nghiệp quốc phòng, Tổng thống Nga Putin lah rjăp mpeh nău n'hao âk dăng ăp mpôl kan Hàng không Vũ trụ n'hanh rvăt năp kỹ thuật, ndrak nsiu têh dăng mhe an tahen dak lêng Nga gay plơng lơh tay ăp nău tât ntêt nkri dăch kêng n'har bri. Tổng thống V.Putin nchŏng kloh, Nga ân rgâl têh dăng lơn đŏng trong njrăng n'gang kalơ trôk. Kruanh rđău kan Nga njrăng đă tâm ăp năm mhe aơ, nău dăng bah mpôl tahen Nga tâm trong njrăng n'gang kalơ trôk hŏ hao âk. Tâm 4 năm aơ, 25 dĭng grăp ŭnh njrăng n'gang kalơ trôk S-400 n'hanh rlău 70 bôk ndeh păr tâm lơh uĕh mhe hŏ dơi pă an, rlău 20 rmôt S-300 n'hanh 90 bôk ndeh păr dơi năp têh mhe. Tahen dak lêng hŏ dơn 49 bôk duk n'hanh duk tâm lơh mhe, 9 ntuk n'gân grăp ŭnh kalơ kơh dak lêng n'hanh 10 bôk ndeh păr./.

Nuĭh rblang: Điểu Thân