VOV4.M’nông – Nar nđaơ (7/9), Nga n’hanh Ấn Độ tâm rnôk tâm nchră mpeh nkual gŭ an nuĭh Afghanistan lĕ tâm nchră mpeh nău kơp dơn n’gâng kan mhe ta Afghanistan. Jêh rơh rƀŭn, wa Venkatsh Varma, Đại sứ Ấn Độ ta Nga an gĭt, nu nău ta Afganistan lah du nău uănh tât bah lam nkual. Ăp nău geh ta Afghanistan ƀư ntêt nkri  an nău geh bah lĕ 2 dak yor pơng mbra ƀư hao tăch ma túy, nuĭh tih geh rmôt n’hanh mpôl nuĭh gŭ ndê. Wa Va-ma an lah, ta năp nu nău mhe ta Afghanistan rnôk rmôt Talian dôl uănh nđôi neh dak Nam Á aơ, Ấn Độ n’hanh Nga pah kan ndrel gay tâm nchră mpeh nău Afghanistan tâm nĕ geh n’ăp nău kơp dơn rmôt Taliban.

Nuĭh rblang: Y Sưng Phê Ja