VOV4.M’nông: Nga hŏ geh nau nchrăp kan nsum đah 20 ngih máy nkra tâm 10 dak lam ntur neh gay ma nkra vắc xin Sputnik V njrăng srê Covid-19 yor Nga nkra. Nau mbơh aơ mhe geh nŭih dâk bôk tơm ntuh kơl bah Nga-ntŭk kan tăch vắc xin njrăng rdâng srê Covid-19 bah Nga luh dak ba dih mbơh lơ 2/4. Tĭng nŭih dâk bôk bah Tơm ntuh kơl tă bah Nga, đah nau nchrăp aơ, tâm rơh tât mra geh tay ân nŭih Nga ndrel ƀon lan lam ntur neh, geh nau dơi dŏng chuh vắc xin njrăng rdâng srê Covid-19 tâm rnôk nau ŭch njrăng rdâng srê lah âk. Nchrăp, geh 58 dak tâm lam ntur neh hŏ geh pă dŏng vắc xin Sputnik V./.

Nŭih rblang: H’Thi