VOV4.M'nông: Nar 16/12, ta rơh rgum nchră ƀoh rup video, Tổng thống Nga Vladimir Putin n'hanh Kruanh Trung quốc Tập Cận Bình hŏ nkoch mpeh nău njêng du trong tâm n'guăk prăk kaih mô dơi tât khuch bah dak tâl pe. Nuĭh kơl kan bah Tổng thống Nga Yuri Ushakov an gĭt, ta rơh rgum nchră, kruanh rđău kan Nga- Trung Quốc êng njrăng uănh tât nău khlay n'hao dăng nău nsrôih jêng du trong tâm n'guăk prăk kaih êng gay rhŏ dŏng ăp nău kan tăch rgâl đah bar dak, nking nchăng ăp dak tâl pe ƀư jêng tât khuch. Tĭng wa Ushakov, lĕ ma Tổng thống V.Putin n'hanh Kruanh Trung quốc Tập Cận Bình ŭch da dê nău n'hao rnoh âk prăk neh dak tâm ăp trong tăch rgâl nsum n'hanh pơk hvi tâm boh gay pă an ăp nuĭh ntuh kơl tât ntŭk tâm tăch rgâl nsum./.

 Nuĭh rblang: Điểu Thân