VOV4.Mnông- Tổng thống Vladimir Putin an gĭt: Nga ŭch tâm nchră đah Mỹ n’hanh NATO mpeh ăp nău kan mât đăp mpăn rnă njrăng tâm rnôk nău duh jêr hao âk geh tât mpeh nău Ukraine. Mỹ n’hanh ăp dak kan ndrel tâm rnôk dăch aơ mô rlu nduĭh Nga n’hao nău tât râng tahen dăch n’har bri đah Ukraine n’hanh mbơh nău rmal. Tâm rnôk nĕ, Nga lĕ mô rlu nduĭh ăp nău kan tahen dăch n’har bri bâh NATO, uănh aơ lah du nău ntêt nkri đah rnă njrăng ngih dak. Tâm du rơh tâm nchră đah Tổng thống Phần Lan, Tổng thống Vladimir Putin an gĭt, păng ŭch ntơm ƀư ăp rơh tâm nchră đah Mỹ n’hanh NATO gay ma dơi geh ăp nău đăp mpăn pháp lý đah nău rnă njrăng ngih dak. Ăp nău đă bâh Nga geh nđâp nău njrăng rdâng NATO pơk hvi mpeh luh nar n’hanh mbơh ăp nău dŏng phao blêu ta ăp ngih dak kiau meng, tâm nĕ geh Ukriane.

 Nuĭh rblang: Thị Đoắt