VOV4.Mnông – Năm 2021, Ngih sam ƀŭt Đại học Tây Nguyên nchrăp săch nti 3.300 nuĭh nti đại học chính quy, đah 35 chuyên ngành tâm 8 khoa ntĭm nti, lah ngih sam ƀŭt geh rnoh săch nti n’hanh têh ntim nti têh ngăn nkual. Tâm nĕ ăp nău kan geh rnoh săch nti âk lah: Y khoa, Ngôn ngữ Anh, Thú y, Kinh tế, Quản trị kinh doanh, Kế toán, Giáo dục thể chất. Trong ƀư săch nti năm 2021 dơi uănh tĭng 4 trong: Uăn năl ji tâm rlong tốt nghiệp THPT năm 2021; uănh năl jêh tâm rlong long uănh dơi blău nti năm 2021 bah Đại học Quốc gia TP. HCM; Uănh năl điểm học bạ; Uănh săch lăp sŏng tĭng trong ƀư săch nti năm 2021. Groi Giáo sư-Tiến sĩ Võ Phương Đại Nguyên, Kruanh jrô kan ntĭm nti Đại học, Ngih sam ƀŭt Đại học Tây Nguyên an gĭt: Bôk nău ntĭm nti năm 2021 bah ngih sam ƀŭt mbra tŏng ăp gay sinh viên dơi gĭt ăp nău mhe, tâm di nău ŭch bah ăp nuĭh săch dŏng kan rnôk jêh nti.

Nuĭh răk rblang: Y Sưng Phê Ja