VOV4.M’nông: Kêng măng 7/4, UBND n’gor Kon Tum ndrel Ngih săm ƀŭt Đại học Tây Nguyên ƀư nau ký ton bôk nau tâm boh nau kan ntĭm nti, mĭn njêng khoa học ndrel mbơh ntĭm nau kan lvang năm 2021-2025. Nkô̆ nau bah bôk nau kan lah kơt tĭng ân ueh nau geh dơi, nau dăng bah ăp ding gay ndrel hun hao tâm nau kan. Tâm boh ntĭm nti nŭih ân nâp blau tĭng ăp nau kan ma ăp ding mât gay dŏng ăp nau dăng mpeh nau ntĭm mbơh bah ngih săm ƀŭt ndrel geh nau ŭch ntĭm nti bah n'gor Kon Tum tâm nau kan hun hao nsum bar ding.

Nar ký ton kan nsum.

Tâm rgop mĭn njêng nau kan khoa học ndrel jao nau kan mhe gay hun hao ăp ntil ndơ khlay bah n'gor, geh nau dăng bah bah Kon Tum ndrel nkuăl Tây Nguyên, nkre lah geh nau dŏng nâp ueh ndơ tâm rnôk rgâl mhe trôk nar, dŏng ndrel ƀư ueh nau geh jêng bah n'gor Kon Tum tâm nau mĭn njêng khoa học ndrel jao nau kan mhe, hun hao nau kan khoa học ndrle kan mhe, mât chăm nau rêh, n'hâm soan ân ƀon lan ndrel mât ăp nau vay ơm bah nkuăl Tây Nguyên./.

Nŭih rblang: H’Thi