VOV4.M’nông: Gay lor nchrăp njrăng n'gang nuh srê Covid -19, nar 26-4, Mpôl pah kan bah Viện Vệ sinh Dịch tễ Tây Nguyên hŏ hăn khâl n'hanh pah kan đah ăp pôih n'har bri mpeh pah kan njrăng n'gang nuh srê covid-19 ta nkual n'har bri nkuâl Ea Súp, n'gor Dak Lak.

Nkuâl Ea Súp geh nklăp 27km trong n'har bri kâng đah dak băl Campuchia, ta aơ geh 4 Pôih n'har bri dôl pah kan hăn rsong uănh, mât njrăng n'har bri. Hăn khâl n'hanh pah kan đah ăp pôih n'har bri ta Ea Súp, wa Viên Chinh Chiến, Viện trưởng Viện Vệ sinh Dịch tễ Tây Nguyên rnê âk pah kan ƀư rđău đă an ƀư  njrăng n'gang nuh srê Covid -19 bah cán bộ, tahen n'har bri.

Păng mĭn lah, nuh srê Covid -19 dôl tât krit nji ta lam ntŭr neh, dŭt njrăng lah mpeh Campuchia, dak geh nsum trong n'har bri đah Việt Nam, mpôl njrăng n'gang nuh srê ta ntŭk ân tâm boh kan nsum lhăt, n'hao mbơh njrăng lor, gay nking nchăng năn ngăch ăp nuĭh lăp mô geh nău way./.

Nuĭh rblang: Điểu Thân