VOV4.M’nông: Tâm rơh rƀŭn bar ding tĭng nau kan trực tuyến lơ 6/1, Thủ tướng Nhật Bản Ki-shi-da Phu-mi-ô ndrel nŭih ndrel gưl kan bah Australia Scott Morrison hŏ ký “Nau nchrăp ndơn nau rdâng” gay ma n’hao nau kan ntĭm nti tahen nsum, ntrŭnh ân ngăhc lơn ndrel ma ƀư ân ueh nau dơi tâm rgop nau kan bah tahen bar dak. Tĭng nê “Nau nchrăp gay ma rdâng (RAA) geh kí ton mra ntrŭt dăng nau ntrŭnh nau kan njrăng rdâng Nhật Bản (JFDS) ndrel rmôt mât njrăng Austrlia (ADF), nkre n’huch oi ăp nau mô dơi tâm nau kan nchuăn leo ndrak nsiu ndrel ndơ dŏng ân ăp nau kan ntĭm nti nsum ndrel nau kơl an rnôk geh nau khuch. Nau nchrăp jêh du năm tâm nchră đah Nhật Bản ndrel Australia gay jăng lơi nau nkol pháp lý ân tahen bah dak aơ tât du dak êng tay ma ntĭm nti ndrel ƀư ăp nau kan êng êng./.

Nŭih rblang: H’Thi