VOV4.Mnông- Kêng măng nar 30/9, kruanh đảng mhe dân chủ tự do LDP Nhật Bản, wa Kishida Fumio geh dơn tay âk cán bộ tơm khlăy bâh Đảng. Tĭng nĕ, wa Taro Kono n’hanh wa bu ur Takaiichi Sanae bar hê nuĭh kan mhe tât râng ta rơh tâm rlong kan ndrel đah wa Kishida Fumio tă geh săch ƀư kruanh rnâng kan mbơh nău mhe n’hanh kruanh mĭn uănh nău kơl kan. Hạ nghị sĩ Fukuda Nastuo ƀư kruanh rnâng kan Tổng vụ. Wa Matsuno Hirokazu, tă kan kruanh n’gâng kan văn hóa, ntĭm nti n’hanh khoa học geh pă săch ƀư chánh văn phòng chính phủ. Aơ lah nău kan dŭt khlăy tâm chính phủ. Nău pă wa Matsuno ƀư chánh văn phóng chính phủ mpơl nău ŭch leo kan n’gâng kan mhe an geh đăp mpăn. Aơ lah nău kan bôk năp ma wa Kishida Fumio săch đah nău kan lah kruanh Đảng njôt kan.

Nuĭh rblang: Thị Đoắt