VOV4.M’nông - Tâm nar rƀŭn mbơh nar (21/12), Thủ tướng Nhật Bản Kishida Fumio an gĭt ta năp măt mbra njong nar tĭng nău way wah mô an lăp gŭ mhe đah nuĭh dak bah dih. Bah năp nĕ, yor klach ntưp rêng tă bah ntil kaman mhe Omicron, tâm nar 30/11, Chính phủ Nhật Bản lĕ na nê̆ an rlu nuĭh dak bah dih lĕ rngôch ăp dak ta lam ntŭr neh lăp gŭ tâm 1 khay. Đah ăp nuĭh geh mâp êp đah nuĭh ntưp kaman Omicron, mô knŭng đă nkhah êng ta jay, ma hôm an nkhah êng 14 nar ta ăp ngih dak si dơi ntĭm. Thủ tướng mpŏng tâm bôk năm, 2 rkeh dĭng dak si săm Covid-19 tă bah ntil dak si Pfeizer bah Mỹ mbra tât dak Nhật Bản rgop ntrôl rŭch chôt srê.

Nuĭh rblang: Y Sưng Phê Ja