VOV4. M’nông: Nhật Bản n'hanh Indonesia nar ntri (30/3) hŏ ký ton mpeh du nău ndơ̆ rgâl ndơ ntrŭp dŏng n'hanh công nghệ dŏng an tahen njrăng n'gang neh dak. Tâm ton dơi ký tâm rnôk tâm nchră 2+2 đah Bộ trưởng Quốc phòng n'hanh Ngoại giao 2 dak ƀư ndrel nar ta thủ đô Tokyo, Nhật Bản. Lah ta rơh hop báo nsum lôch rơh mâp, Bộ trưởng Quốc phòng Nhật Bản Nobuo Kishi lah rjăp: nău ký ton ndơ̆ rgâl ndơ ntrŭp dŏng n'hanh công nghệ năp dŏng an tahen njrăng n'gang neh dak bar ding tâm ban ŭch ntơm tâm rnôk tâm nchră 2+2 lor bôk năp tâm năm 2015 mbra rgop ntrŭt ntrôl tâm boh njrăng n'gang neh dak đah bar dak. Mpeh bah nơm Bộ trưởng Quốc phòng Indonesia Prabowo Subianto mpơl nău ŭch tĭng n'hanh jă mpeh Nhật Bản râng tâm n'gâng kan công nghiệp quốc phòng bah dak dja./.

Nuĭh rblang: Điểu Thân