VOV4.Mnông- Tâm rnôk kaman rgâl săk Omicron dôl ntưp rêng âk ta âk ngih dak n’hanh nău mĭn rvê mpeh nuh srê rgâl săk mhe, chính phủ Nhật Bản geh tay ăp ntrong kan răng dăng lơn gay ma bah ntưp rêng ngăch bâh ntil kaman rgâl săk aơ. Lôch geh nău mbơh mpeh ăp nuĭh ntưp kaman rgâl săk Omicron bôk năp tâm ntŭk ƀon lan ta n’gor Osaka, Thủ tướng Nhật Bản Kishida Fumio lah na nê̆ tât nău ƀư răng dăng ăp ntrong kan gay ma nchrăp tâm rdâng đah nău ntưp rêng bâh nuh srê tâm let năp tay. Chính phủ Nhật Bản lĕ đă ntŭk kan mât njrăng nuh srê na nê̆ lơn đah năch tât bâh ăp nkual dak geh srê bâh Mỹ ndơn an kanŭng uănh nđôi ta du đê̆ bang kơt nău ntrŭnh ntơm nơh. Tĭng nĕ, ăp nuĭh aơ mbra geh 3 nar gŭ nkhah êng ta ăp ntŭk kan yorr chính phủ mbơh ta năp nĕ ê lor hăn gŭ êng ta ntŭk gŭ rêh. Ntrong kan aơ mbra tam ƀư bâh nar 25/12.

Nuĭh rblang: Thị Đoắt