VOV4.Mnông- Ta rơh rƀŭn nchră gâl têh Nhật Bản-ASEAN, Thủ tướng Nhật Bản Kishida Fumio mbơh mbra n’hao nău tâm kơl đah ASAEN gay ma ƀư tĭng ueh du nkual Ấn Độ Đương Thái Bình Dương đăp mpăn n’hanh pơk hvi. Ta rơh bôk năp tât râng rơh rƀŭn nchră đah ăp nuĭh leo kan ASEAN. Thủ tướng mhe Nhật Bản Kishida Fumio an gĭt, Nhật Bản mbra ƀa ƀơ ntrôl nău tâm kơl an  “Nău mpŏng ŭch ASAEN mpeh Ấn Độ Dương -Thái Bình Dương”, du nău mĭn kan gay ma mât đăp mpăn n’hanh têh kuăng tâm nkual n’hanh geh nsum ăp nău khlăy đah nău mpŏng kan bâh Nhật Bản mpeh du Ấn Độ Đương Thái Bình Dương đăp mpăn n’hanh pơk hvi”. Năm 2023 mbra lah năm mpơl an 50 năm nău tâm boh tâm rnglăp n’hanh tâm kơl ASEAN-Nhật Bản, Nhật Bản geh nău nchrăp leo ƀư du rơh rƀŭn nchră gâl têh khlăy, gay ma ndơ̆ nău tâm boh kan aơ jêng du rơh kan mhe.

Nuĭh rblang: Thị Đoắt