VOV4.Mnông- Ntoh ngơi ta rơh rƀŭn nchră kêng măng nar 28-9, Thủ tướng Nhật Bản Sugar Yoshihide lĕ ntơm geh ntrŭnh nklơi doh lĕ rngôch ăp nău mbơh ndal rnôk tât lĕ nău tam đah 19 n’gor kơt lah Hokkaido, Tokyo, Aichi, Osaka, Hiroshima, Fukuoka n’hanh Okinawa. Nkre lah Nhật Bản lĕ nklơi jăng lĕ rngôch ăp ntrong kan an lor gay ma njrăng nău ntưp rêng nuh srê dơi geh ntrŭnh mbơh ta 8 n’gor kơt lah Miyagi, Ishikawa n’hanh Kumamoto, tĭng nĕ, ăp ntŭk răk ngêt sông n’hahnh ntŭk tăch rgâl geh đă ntâl mpông ơm gay ma plơ̆ tay pah kan kơt ơm. Nkre lah n’gâng kan ta ntŭk mbra ndâk nsơm nău kan mât săm săk soan gay ma nchrăp an rơh ntưp rêng lah geh. Nhật Bản lĕ tă geh ntưp nuh srê Covid-19 tal 5, đah nău ntưp nuh srê lah bơi tât 26 rbăn nuĭh ntưp mhe ăp nar.

Nuĭh rblang: Thị Đoắt