VOV4.M’nông: Chính phủ Nhật Bản 1/6 an gĭt, mbra ntơm bôk nău kan "chuh n'gang ta ntŭk pah kan" ntơm bah nar 21/6 tât gay ntrôl ngăch ƀư chuh n'gang vaccine njrăng n'gang nuh srê Covid-19 ta dak dja. Lah ta năp báo chí, Chánh Văn phòng chính phủ Nhật Bản Kato Katsunobu an gĭt: vaccine bah hãng dược phẩm Moderna (Mỹ) mbra dơi dŏng tâm rơh chuh n'gang dja. Nkre, Chính phủ mpŏng n'gâng kan ăp n'gor ân ƀư lôch ơm nău chuh n'gang an nuĭh âk năm deh n'hanh ntrŭt ntrôl pah kan nchrăp gay njuăl phiếu chuh n'gang tât ăp nuĭh an chuh lor bah kơi nê, lĕ ma ăp nuĭh geh nău ji ơm tâm săk./.

Nuĭh rblang: Điểu Thân