VOV4.M’nông – Thủ tướng Nhật Bản Kishida Fumio mhe geh rơh kuăl tâm nchră đah Tổng thống Pháp Emmanuel Macron. Ta rơh kuăl tâm nchră, Thủ tướng Kishida Fumio mĭn lah Pháp lah “Nuĭh kan ndrel khlay” kơt kan ndrel dŭt khlay ta Ấn Độ Dương-Thái Bình Dương, nkre ŭch n’hao lơn tay tâm boh đah Pháp gay rƀŏng tât du “Ấn Độ Dương-Thái Bình Dương dah rŏng n’hanh pơk hvi”. 2 nuĭh kruanh rđău kan rnê nău n’hao kan ndrel tâm nău kan rnă njrăng n’hanh mât njrăng bri dak dăch aơ, tâm nĕ geh rơh khâl bah rmôt tàu tiăr nti Pháp tât du ndrâm dak lêng ta Nhật Bản. Thủ tướng Nhật Bản uănh lah prêh nău hăn lor bah Pháp tâm nău ndâk njêng trong kan bah Liên minh châu Âu ta Ấn Độ Dương-Thái Bình Dương.

            Nŭih blang: Y Sưng Phê Ja