VOV4.M’nông: Ôi lơ 22/4, Rnâng kan Tuyên giáo Trung ương hŏ pah kan đah n’gor uỷ Quảng Bình mpeh nau ƀư ăp nau kan di nkah 110 năm nar deh Đại tướng Võ Nguyên Giáp (25/8) gưl kan neh dak tâm n’gor Quảng Bình. Tĭng nau nchrăp, n’gor Quảng Bình tâm rgop đah ăp ntŭk n’gâng kan Trung ương ƀư nau nkah 110 năm nar deh Đại tướng Võ Nguyên Giáp, tâm nchră gưl kan neh dak di nkah 110 năm nar deh Đại tướng Võ Nguyên Giáp. Wa Vũ Đại Thắng, Bí thư n’gor uỷ Quảng Bình mbơh, di nkah 110 năm nar deh Đại tướng Võ Nguyên Giáp lah rnôk gay rnê ndrel nkah ăp nau kan têh dăng bah Đại tướng đah nau kan rklaih rnoi mpôl nơm, đăp mpăn neh dak, ndâk njêng ndrel mât neh dak, nkah ăp rup gui ueh lăng, nau kơl an têh jru ueh bah Đại tướng đah ma ƀon lan tâm lam dak lah nsum ndrel ƀon lan n’gor Quảng Bình lah êng./.

Nŭih rblang: H’Thi