VOV4. M’nông: Nkah ndray 114 năm nar deh Tổng Bí thư Lê Duẩn (7/4/1907- 7/4/2021), ôi ntri (5/4), Thành ủy Đông Hà, n'gor Quảng Trị ƀư lễ n'hơr an kao ta ndah rup Tổng Bí thư Lê Duẩn. Ta rơh lễ, kruanh rđău kan thành uỷ Đông Hà ndrel cán bộ, công chức, viên chức nuĭh kan nkual ƀon têh nkah tay nău rêh, săk jăn, n'gâng kan cách mạng chrat ang bah Tổng Bí thư Lê Duẩn. Chŭn mbah n'hơr an kao bah năp ndah rup wa Lê Duẩn, ăp đại biểu mpơl nuih n'hâm nkah gĭt jru đah kruanh rđău kan ngăch prăl gĭt blău bah cách mạng Việt Nam, nuĭh kon hŏk dŭt blău  bah Kruanh Hồ Chí Minh, nuĭh kon ntoh lư bah ƀon tơm Quảng Trị hŏ geh ăp n'hâm suan an têh kuâng đah n'gâng kan rklaih luh rnoi nuĭh, dơn ngoăy neh dak. Nkhêp geh rnôk dja, Kruanh rđău kan Thành ủy, Hội đồng nhân dân, Uỷ ban nhân dân, UBMTTQ Việt Nam nkual ƀon têh Đông Hà ndrel cán bộ, công chức, viên chức nuĭh kan mpơl nău nsrôih mât uĕh nuih n'hâm tâm rnglăp, kơt nti n'hanh ƀư tĭng nuih n'hâm uĕh Hồ Chí Minh./.

Nuĭh rblang: Điểu Thân