VOV4.M’nông: Ôi 28/4, ta Hà Nội, Tổng Liên đoàn Lao động Việt Nam khuh n'gôr ƀư Lễ nkah ndray 135 năm Nar Pah kan lam ntŭr neh (01/5/1886 – 01/5/2021), Rgŏ jă khay Công nhân. Lah ta rơh lễ, Kruanh dak Nguyễn Xuân Phúc nkoch kloh, Ngih dak n'hanh ƀon lan he way an nău uănh khlay, mât chăm mha êng tât rơh kơn công nhân, nuĭh kan n'hanh mpôl kan công đoàn.

Kruanh dak rnê âk ăp gưl công đoàn hŏ tĭng ƀư jăp nău rđău đă bah Ban Bí thư way nsrôih, blău ƀư mhe an ăp nău kan geh nkô̆ khlay gay bơi 10 năm aơ Khay công nhân jêng ăp nar rgum ngăn bah công nhân, viên chức, nuĭh kan lam dak. Kalơ nuih n'hâm nê, Kruanh dak dăn đă Mpôl mât bôk kan công đoàn ân ơm rdâk njêng bôk nău kan bah Công đoàn Việt Nam tĭng ƀư Nghị quyết Đại hội tâl 13 bah Đảng đăp mpăn khoa học na nê̆ geh nău dơi. Ta rơh Lễ, ntơh măt ƀan rđău đă Khay công nhân rgŏ jă mpeh đăp mpăn, kloh uĕh ntŭk pah kan Trung ương, Bộ trưởng Bộ Lao động thương binh n'hanh xã hội Đào Ngọc Dung rgŏ jă khay công nhân mpeh đăp mpăn kloh uĕh, ntŭk pah kan năm 2021 đah nkô̆ “N'hao dăng uănh năl, treng nđôi geh ma nău rmoh rman, mpeh đăp mpăn, kloh uĕh ntŭk gŭ pah kan n'hanh râng bah nuĭh kan mât đăp mpăn kloh uĕh"./.

Nuĭh rblang: Điểu Thân