VOV4.M’nông: Tâm n'gâng kan cách mạng bah he, Kruanh Hồ Chí Minh hŏ an tay âk nkah têl đah rơh kơn Công nhân n'hanh Nar Pah kan lam ntŭr neh 1/5. Tâm rnôk hăn joi trong kơl neh dak, nar 1/5/1920, Nguyễn Ái Quốc hŏ râng nkah ndray Nar Pah kan lam ntŭr neh ndrel rmôt đảng viên Xã hội Pháp n'hanh nchrăp nău dăn đă ta rnôk rgum nchră đă rlu njuăl nuĭh tât neh dak geh tŭn jot. Nar 1/5/1924, tĭng nău jă bah Thành uỷ Moscow n'hanh Ban Thư ký bah Quốc tế Cộng sản, Nguyễn Ái Quốc râng n'hanh lah ta rơh mít-tinh nkah ndray Nar Pah kan lam ntŭr neh 1/5.

            Ta Việt Nam, jêh rnôk Đảng Cộng Sản Đông Dương ntơm luh (1930), giai cấp công nhân Việt Nam hŏ sŏk lơ 1/5 ăp năm ƀư nar pah kan rjăp bah rmôt lơh rdâng phung rlăng, đế quốc, nsĭt nau đăp mpăn, dah rŏng, ƀon lan ƀư tơm, nsĭt ăp nau geh dơi bah văng sa, rêh jêng. Lơ 1/5/1930, rơh bôk năp tâm nau rêh bah nŭih pah kan công nhân ta Đông Dương, giai cấp công nhân tâm dak nơm, đah nau rđau kan bah Đảng Cộng Sản Việt Nam, hŏ jur trong gay ma rgum đă nchâp nau tâm rnglăp cách mạng đah công nhân dak ba dih, nkre lơh ân dơi đah phung rlăng pháp, ŭch đă phung rlăng ƀư ân ueh ntŭk pah kan, ân n’hao prăk khay ndrel ƀư tĭng luật pah kan 8 mông./.

Nuĭh rblang: Điểu Thân n'hanh H'Thi